mánudagur, september 05, 2005

Sex dagar til stefnu

og ynjan veit enn ekkert í sinn haus. Allir fallegu miðarnir sem skráðu nákvæmlega tímasetningu hvers atburðar fyrir sig eru ekkert annað en fallegir miðar.
Allt of mikið ógert.
Halldór Laxness sagði þetta allt fara á einhvern veginn, ég er að spá í að trúa því.
Þrátt fyrir skipulagsleysi veit ég upp á hár hvaða bækur ég ætla að taka með mér. Allt eðalbækur sem hafa beðið þess að vera lesnar í nokkurn tíma. ,,Lesa seinna-bækurnar" komast í ,,lesa núna-bóka-bunkann" eftir þrjá daga.
Verst er að geta ekki tekið með allar yndislegu íslensku bækurnar sem ég á. Þær vega hátt í tuttugu kíló og ég má ekki taka meira en svo.
Skömm!